![.•ღ°[مشرفة روζالقصيدg كولكشين كوول g الديكوريشن ]•®.](https://2img.net/i/itest/ranks/stars/stars1.gif ".•ღ°[مشرفة روζالقصيدg كولكشين كوول g الديكوريشن ]•®.")
مساكم الله بالخير جميعا
للعاطفه نصيب من الشجن عندما نغوص في عالم احلامنا لنصدم بالواقع ..
سألت نفسي لماذا الحب هو الاساس ونحن نعلم بأنه لايجلب سوى التعب والحزن ..فكل الاجابات مبهمه والاسئله مبعثره ..
لذلك لايحمل أحزانك ويحضن همومك سوى دفاترك .. لذلك قررت أن ادفنها بين صفحاته ..
قصيده اتمنى ان تنال على قدر بسيط من اعجابكم ..
لا.. لا تعاندني وقلبي صايـر بقبضـة يديـك
دام اني ادري كل طعنـه مـن يديـك اتعـوّر
مرات في ساعة غضب ازعل واقول اني ماابيـك
والا الحقيقـه انـي أحبـك فـوق ماتتصـوّر
تدري شلون اعرف بطاري جيتك من قبل اجيك
لاشفت في عيني المكان اللي انـت فيـه منـوّر
من يوم اشوف الشوق يتطاول على نظرة عينيك
أحس كن الشوق من جوع اللقـا ...يتضـوّر
وتدري ليا شفت الخجل يبوس حمرة وجنتيـك
أغـض طرفـي خايـف انـي أنفعـل واتهـوّر
بالله علمني ليا من شفت ذيك وشفـت ذيـك
ويش اخلي منـك وإلا ويـش فيـك ..آدوّر
بلاك والله عارف اني أعشقك وأمـوت فيـك
وبلاي والله عارف انك يالحبيـب " مجـوّر"!!
لاشفتك معصب علي أقول : بسم الله عليـك
لاصار دمك حار خلقه كيـف لـو يتفـوّر ؟؟
وان شفتني ادعي وأقول الله يجـازي والديـك
هذا لأنـي ابتليـت بحـب خشـف مصـوّر
حلاك من شعرك على صدرك مرور بشفتيـك
ومن زاوية خصرك اليا وجـه ٍ عليـك مـدوّر
نظرتك تحمل لائحه مضمونها " الموت الوشيك "
وسلسالك وجيدك كما " بستان ورد مسوّر" !!
تقول "قف مي يور هارد" أقولك : يو كان تيك"
مدري احس اني معك في كل يـوم ...أتطـوّر
وان قلت احبك وانت شايف غيرك بقلبي شريك
هذا ترى مثل الرصيد بوسـط شيـك مـزوّر
لكن عليك الله وآمانه لو بقـول أنـي ماابيـك
أعرف بأني موت احبـك فـوق ماتتصـوّر !!
وسلامتكم
مع فائق الاحترام والتقدير لمن مر هنا
![~•ღ°¤[ الإدارة ]¤°ღ•~](https://2img.net/h/up106.arabsh.com/s/665b19dr0q.gif "~•ღ°¤[ الإدارة ]¤°ღ•~")
