{.. أهـلاً وسهـلاً بكـے ِ يآ زائر فـے مًنْتُِِّْدًٍيآت شوُق الرُوح ~


    غريبهـ قصة الدمـ ع ــه تريح هم باكيها قصتي وحصريه لكم *_*

    شاطر
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الخميس أغسطس 06, 2009 8:14 am

    وردة المدينة كتب:بين جنبات التميز وفلسفه العبارات ..ومسك الذكريات


    يكون "الصمت" افضل اسلوب للتحدث امام ماجادت به يمناكـ


    (متابعه بصمت)

    لك عبق الرياحين

    /
    /
    /

    بـ طول الارض وعـرض السمـآء اشكرك حبيبتي روح الشوق" "
    على نديّ حرفـك الباذخ ..

    من قلبـي أُحييّـك واتمنى لك دوام النجاح بمسيرة

    حياتـك يالغاليه ،’



    بأجمل الورود وأحلى العطور ارحب فيكي يا رودة المدينه

    اسعدني حضورك

    وفرحني ردك

    وعجبني صمتك

    والاهم متابعتك كانت صامته او غير كدا

    هلابك قارئه جديده وصديقه عزيزه

    وورده غاليه على قلبي بجد

    وان شاءالله تعجبك اولى كتاباتي في عالم القصص والرويات

    واكون عند حسن ظن كل من تابعني وقرأ حروفي

    اقدر لكم متابعتكم وتشجيعكم ليا


    سواء بالردود او التواجد المستمر

    او اللي بيساعدوني في اخراج البارت بالشكل المناسب

    اللي يرضين كـ كاتبه ويرضيكم كـ قراء

    تحيه ملونه بـ الوان الحياة مني لكم جميعا

    وتحيه معطره بأعبق واجمل ورود المدينه لـ وردة المدينه

    استنوني في البارت الجاي وان شاءالله دي اليومين ارجع لنشاطي وانزلو لكم

    تحيه عذبه


    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 2:50 am

    عدنا من جديد

    لكي نكمل مشوار قد بدأناه

    وها نحن نصل للمنتصف

    سنكمل مشوارنا معاناً

    وقد نبدا مشوار أخر

    كونوا معي

    لاضع ما بقريحتي بين ايديكم

    ودي ووردي



    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 5:42 am

    الجــــــــزء الثاني عشر,,
    في بيت ابو احمد
    سفانه : ها ايش قولتي ؟
    اموره : اللي تشوفوه يا ماما
    سفانه : حبيبتي مافي اللي نشوفو احنا دي حياتك انتي وانتي العروسه مو انا ولا ابوكي انتي قولي رايك
    وخودي وقتك وفكري وكمان استخيري وشوفي اذا انتي مرتاحه ولا لاء
    اموره : انا سويت الاستخاره يا ماما وانا مرتاحه من الموضوع بس خايفه
    سفانه : خايفه من ايش محمد ولد عمك وخالتك وانتي عارفتو وعارفه طبايعو يعني مافي شي يخوف
    اموره رخت راسها : انا خايفه من خالتي
    سفانه فتحت عيونها ع الاخر : وليش ان شاالله ؟
    اموره : لانها عصبيه وانتي شوفتي كيف تتعامل مع شوق وهدو وروزه
    سفانه ضمت بنتها : لا حبيبتي انتي محا تسكني مع خالتك اكيد بيكون لكي بيت لحالك وخالتك انتي حتروحيلها زياره
    وزيك زي روزه وبعدين حتى انا اعصب روزه ليش ماخافت مني وبعدين خالتك تحبك ولو منها موافقه عليكي
    ماكان عمك جا وخطبك لولدو صح ولا انا غلطانه ؟
    اموره بحيا : صح
    سفانه : يعني نقول مبروك ؟
    اموره استحت وسلمت على راس امها : ايوه
    سفانه دمعت عيونها : جا اليوم اللي اشوفك فيه عروسه وللولد اللي اتمنيتو يكون من نصيبك
    اموره بمرح وشويه خجل وهيه تمسح دمعت امها : لا ماما اذا حتبكي خلاص ابطل واجلس هنا عندك
    سفانه : دي دموع الفرح يابنت وخلاص محا ابكي

    جاهم ابو احمد

    محمد : السلام عليكم
    اموره + سفانه : وعليكم السلام ورحمة الله وبركاته
    محمد وهو يجلس جنب اموره : ها حبيبة ابوها ما قالتلي عن رايها
    سفانه : لا خلاص توها قالتلي انها موافقه
    محمد وهو يمسح على شعر بنتو : الف الف مبروك حبيبتي والله وكبرتي
    اموره استحت وهيه قايمه سلمت على راس ابوها وامها : عن اذنكم ابغى اروح غرفتي
    محمد : ليه ايش عندك في غرفتك ؟
    اموره : لا يابابا بس ابغى ادخل النت هدو وشوق بيستنوني
    محمد : اهاا طيب روحي بس قبل ماتروحي جيبيلي جوالي من المكتب
    اموره وهيه تأشر على عيونها: من عيوني

    وراحت تجيب الجوال

    محمد : ابغى اكلم عادل واقولو عن الموافقه ايش رايك اقولو ولا استنى شويه ؟
    سفانه : اذا انت موافق وهيه موافقه ليش تستنى ؟
    محمد وعيونو تلمع : احمد ياستي يقولو يبغى يسئل عنو زي ما سئل عن راكان لما خطب بنت خالتو
    سفانه : ليش يسئل محمد مو غريب عننا وانت مربيه وعارفو كويس ؟
    محمد : انا ما ابغى اطولها وابغى اطمن عليها عشان ارتاح
    سفانه : خلاص اتوكل على الله وبلغهم بالموافقه بس
    محمد : بس ايش ؟
    سفانه : اذا طلبو الملكه قولهم يخلوها مع فرح اخوها يعني في نفس يوم الفرح
    محمد : تتوقعي يوافقو ؟
    سفانه : ان شالله يوافقو وبعدين انا ابغى اسويلها شبكه وعشان كدا خليها مع فرح اخوها احسن
    محمد : طيب بس خلينا نتفق
    وقاطعتو اموره : احم بابا تفضل الجوال
    محمد : تسلمي يا عيون بابا
    اموره : الله يسلمك بابا

    وراحت على غرفتها وبعدها اتصل محمد على عادل وبغلو الموافقه ومر اليوم عادي بدون اي احداث

    وتاني يوم كان يوم الخطبه الرسميه

    في صالون الرجال

    يتبع،،


    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 5:44 am


    ابو محمد : احنا زي ما انتو عارفين جايين نطلب يد بنتكم اميره لولدنا محمد على سنة الله ورسوله ونتشرف
    بنسبكم
    ابو احمد : واحنا موافقين على طلبكم واميره بنتكم ومحمد ولدنا
    ابو راكان : اجل الف مبرووك والله يتمملهم على خير
    ابو مروان : الف مبروووك يا جماعه والله يتمملهم على خير ان شالله
    الكل : الله يبارك فيكم وعقبال عندكم
    ابو محمد : اذن نتكلم في التفاصيل يا ابو راكان اتكلم
    ابو راكان بحكم انو اكبرهم وهما يعتبرو واحد من العيله مو بس جارهم : ان شالله يا ابو احمد طبعا احنا اهل ومحا نختلف على شي والولد يبغاها تكمل دراستها
    وكمان هو يبغى يكمل دراستو وان شالله الفرح بعد ماهو يتخرج وخلاص ما باقيلو غير سنه ويخلص بإذن الرحمن اما الملكه نبغاها دحين
    وطبعا انتو عارفين انو دا الاسبوع ملكة مروان وكمان ملكة بنتي ومافي وقت خاصة اذا تبغو تسولهم شبكه فانتو ايش رايكم
    ابو احمد : الله يتمم على عيالنا على خير ومعاك حق يا ابو راكان وانا بالنسبه ليا ابغى تكون فرحتنا كبيره وطالما الفرح بعد سنه ابغى اسويلها شبكه
    وزي ما انتو عارفين فرح اخوها بعد شهرين تقريبا فـ ايش رايكم تكون الملكه في نفس يوم الفرح ومنها شبكتهم طبعا اذا ماعندكم مانع
    ابو راكان بهمس: ها يا ابو محمد ايش رايك؟
    ابو محمد بنفس الهمس : على بركة الله
    ابو راكان : على بركة الله يا ابو احمد وشورك وهداية الله
    الكل يباركو لبعض واحمد صب القهوه ومحمد قام يباشر معاه بالتمر
    احمد بهمس : ولد انت عريس امشي ارجع مكانك وركون يقوم بدالك
    محمد بنفس الهمس : انا في بيت عمي وركون ضيف عندنا يعني كمل وانت ساكت
    جاهم راكان : حمود هات التمر وروح مكانك تراهم بيباركولك
    محمد : اووووف منكم
    احمد : اقول ارجع مكانك ولا اموره بعدين تاكلني تقول مقوم عريسي يباشر الناس
    محمد وهو يرفع حاجبو : شغلك بعدين وهو يعطي التمر لراكان طيب بااايااات
    راح محمد وراكان واحمد كاتمين الضحكه

    عند الحريم

    ام راكان : كللللللللللللللللللوليييييييييييييش الف الف مبرووووووووووك والله يتمملهم على خير يارب
    ام احمد وام محمد : الله يبارك في عمرك يارب ومبروك كمان لنهى سمعنا ملكتها بكره
    ام راكان والعبره خانقتها : ايوه بكره وتراكم ماتحتاجوو عزومه انتو اخواتي وطبعا محا تسيبوني بكره لحالي
    ام احمد : بدون ما تقولي اصلن وانا وصيت ع الحلى حق الضيوف ابو احمد قلي انكم مسوين عشا
    ام محمد : طبعا بدون نقاش وانا وصيت ع المعجنات وكمان حلى العشا
    ام راكان دمعت : كنت اتمنى اختي ام دانه تكون معايا في دا اليوم بس ربي عوضني بيكم
    ام احمد ضمتها : الله يشفيها ان شالله وتحضر الشبكه والفرح ان شالله وهيه تمسح دمعت ام راكان اليوم يوم الفرح لاتبكي لاتشوفك نهى وتزعل
    ام راكان : الله لايحرمني منكم
    ام محمد بمرح تحاول تلطف الجو : ولا منك حبيبتي وعشان مانشوف الدموع دي مره تانيه بكره من صباحية رب العالمين واحنا عندك بس ما قولتيلي نهى نزلت السوق ولا
    ام راكان : لا والله امس باتت عند خالتها وبالقوه اليوم جابو دانه معاهم على اساس انا اروح ابات بس الظروف انتو عارفين
    ام احمد : ولا يهمك حبيبتي انا اكلم ابو احمد واذا وافق اروح ابات انا عندها وانتي يالغاليه ما يسير تروحي تباتي وتسيبي نهى لحالها اليوم انتي عارفه انها عروسه
    وبكره يوم حاسم وحماسي بالنسبه لها
    ام راكان : الله يوفقهم يارب واذا انا رحت انتو عندها واكيد محا تقصرو معاها
    الكل : اللهم امين

    في غرفة اموره البنات متجمعين

    روزه سمعت الزغاريد فراحت تضم اموره : مبررروووووووووووووك يا مرت اخويا
    اموره وجهـها سار احمر : الله يبارك فيكي روزتي
    نهى نقزت عندهم : الف الف مبرووووووووووك يلا سار تبادل وغمزت لروزه انتي جيتي مكانها واموره راحت مكانك
    هدوو : واااااااااااااااااااو ونااااااااسه يعني في احد يسلي شوق اذا رحنا
    شوق جات تجري وبعدتهم كلهم وضمت اموره وسارت تبكي واموره سارت تبكي معاها
    وروزه وهدو ونهى كملو المناحه

    وفجأه نهى : ههههههههههههههههههههههههههههههههه
    الكل طالع فيها : اشبك ؟
    نهى : بنات كلنا عرايس وعقبال شوقي

    يتبع،،


    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 5:45 am


    الكل انتبه وسارو يباركو لبعض
    اما شوق قاطعتهم : بناااااااات حتوحشوني مرررررررررررره وسارت تبكي
    نهى راحت عندها : شوقي لا تبكي وبعدين لسا الفرح باقيلو شهرين
    روزه بمرح : بنااااااااات ما نبغى دموع من اليوم الين يوم الفرح ونبغى تكون الشهرين دي احلى شهرين
    وبعدين يا شوق يا دبه بيتي جنب بيتكم ووقت ما تشتاقيلي تعالي
    نهى وهيه تغمزلها : ايوه بس مو اي وقت لازم تراعي ظروف الشعب
    روزه ضربت نهى على كتفها بشويش : بنت عيييييييييييب تقولي كدا يادبه تعالي ايش حتلبسي بكره
    نهى : والله مدري مانزلت السوق
    دخلت عليهم دانه : بنات خالاتي يقولو انزلو تحت عشان نتجهز عشان نازلين السوق بعد شويه يعني جيبو عبـيكم (عبااياتكم ) معاكم
    البنات بصرخه وحده : واااااااااااااااااااااااااااااااااااااااااااااااااو


    عند الرجال
    ابو احمد : يلا يا عيال روحو ودوو امهاتكم للسوق
    العيال : ليييييييييييييييييييييش ؟
    ابو احمد : عشان بكره عندهم عزومه ويلا بلا كترة كلام كلكم روحو شغلو سيارتكم
    ابو راكان : خلاص هما يروحو السوق واحنا نروح الكازينو
    العيال بصوت واحد : لاااااااااااااااااااااااااااااء
    ابو محمد : لوااااااااااااااااااااا اقول قدامي يلا ولا يكتر
    خرجو العيال
    ابو راكان : هههههههههههههههههههههههههههههههههههههههه عارفهم يا حبهم للكازينو
    ابو احمد : وانت الصادق يا كرهـهم للسوق
    ابو محمد : وانتو صادقين يلا مشينا
    الكل : مشينا

    وخرجو الرجال ع الكازينو ( امممممممم يعني مكان يتجمعو فيه الرجال زي المقهى بس بشكل تاني << لاعاد تشرحي )

    في السوق
    ام احمد : شوفو يابنات دا المحل فيه اشياء حلوه تعالو
    الكل : طيب
    ودخلو المحل
    روزه اشترت فستانين لجهازها وفستان للسهره حقت بكره
    وهدوو وكمان اشترت نفس فستانين روزه بس الوان مختلفه لانهم بيجهزو زي بعض تقريبا
    وشوق واميره كمان اشتروو فساتين زي بعض بس غير عن روزه وهدوو
    اما نهى ودانه فضلو يشترو من محل تاني

    وبعد ساعتين تقريبا
    ام محمد : روزه خلصتي انتي وهدو كل شي ؟
    روزه : لا ياماما باقي ملابس البيت والنوم والله يكرمك الصنادل والجزم والشنط
    ام محمد : وهدوو ؟
    روزه : حتى هدوو زيي
    ام محمد : طيب بعد بكره ان شالله كمان نزل نكمل الباقي
    روزه : ان شالله
    نهى : روزتي تعالي شوفي دا الفستان
    روزه : تيب
    وراحو يشوفو الفستان
    روزه : بسيط مره
    ام محمد : حلى الشي في بسطاتو ولا ايش رايك يا ام راكان ؟
    ام راكان : صح كلامك بس ايش رايكم في لونو ؟
    ام احمد : هو حلو بس لونو هو اللي مو شي ونهى عروسه لازم لون يظهرها
    روزه تكلم نهى : قلب العنا لونو ازرق مو حلو
    نهى بتعب : صح بس انا عجبني الموديل
    روزه : لاتزعلي حبيبتي ان شالله نلاقي احلى منو
    نهى : انا ابغاه بسيط عشان هيه سهره عاديه وان شالله في الشبكه اشتري فستان احلى من كدا
    روزه : ان شالله
    ام راكان : ها ايش قولتو
    نهى : يمكن نلاقي احلى يا ماما
    ام محمد : شوفي دا يا نهى نفس البساطه بس لونو احلى
    ام احمد : ايوه حلو عليكي الخوخي
    نهى : امممممممممممم ايش رايك ماما ؟

    يتبع،،


    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 5:47 am


    ام راكان : روعه بس فين دانه ؟
    دانه : انا هنا يا خاله
    ام راكان : ها ايش رايك في الفستان ؟
    دانه : رووووووووعه وطبعا نهى حتحليه اكتر
    ام راكان : اذن خلاص شوفي يانهى المقاس
    نهى : طيب وراحت تشوف المقاسات

    وبعد ساعه رجع كل واحد مع اهلو على بيتوو

    في بيت ابو محمد وتحديدا في غرفة روزه

    ناديه : وريني ايش اشتريتي عشان اعرف ايش باقي بالزبط
    روزه وهيه تفتح الاكياس : اشتريت 3 فساتين فستانين للجهاز مع اكسسواراتهم وكل شي وفستان للسهرة نهى حقت بكره
    هدوو : وانا اشتريت زيها نفس الموديلات بس الالوان مختلفه
    شوق : وانا اشتريت انا واموره زي بعض لسهرة بكره
    ناديه وهيه تشوف الاغراض دمعت عيونها بس عشان ما ينتبهولها البنات مسحتها بسرعه
    هدوو : ايش رايك يا ماما حلو ولا ؟
    ناديه : الا طبعا حلو ووجهة كلامها لشوق : شوق ياماما روحي لغرفتي تلاقي اكياس نعومي وجنيفر تلاقي 4 اكياس جيبيهم وتعالي
    روزه : حقت ايش ياماما ؟
    ناديه : حقتك انتي وهدوو هديه مني شفتهم وعجبوني بس طبعا لازم نشتري تانيه لانها قليلها
    روزه قامت سلمت على راس امها ولحقتها هدوو
    شوق وهيه داخله وتمسح دموعها : ماما جبتهم
    ناديه : هاتيها ولمحت في عيون بنتها دمعه وما قدرت تمسك نفسها حطت الاكياس وخرجت بسرعه
    اما البنات حضنو بعض وجلسو يبكو

    في غرفة ناديه

    دخلت ناديه وهيه تبكي
    عادل بخوف : ناديه اشبك يعورك شي البنات فيهم شي
    ناديه صكت الباب وسندت ضهرها عليه وزاد بكاها
    قام عادل لعندها وضمها وسار يمسح على راسها : حبيبتي اشبك ليه تبكي
    ناديه بدت تهدأ : حبيبي حيروحو في يوم واحد بنتين من بناتي وانا ما شبعت منهم اليوم بدوو يجهزو مع البنات حتى ماقدرت اشاركهم بالراي
    مو لاني ما ابغى لاني ما ابغى العبره تخنقني قدامهم بس دحين ماقدرت وزاد بكاها
    وعادل فضل السكوت وجلس يهدي فيها

    دخل محمد البيت وشاف البيت هادئ واستغرب وطلع على فوق وهو رايح لغرفتو سمع صوت احد يبكي وراح لمصدر الصوت
    وعرف انو من غرفة روزه راح ودق الباب ولما مالقى احد رد دخل

    محمد : ليش تبكوو ؟
    روزه فزت من الصوت : متى جيت ؟
    محمد: دوبي جيت ليش تبكوو
    شوق : عشان ماما خرجت من هنا وهيه تبكي لما شافت اغراض روزه وهدوو
    محمد: اهااا طيب فين امي وابويا ما شفتهم ومالهم صوت
    هدوو وهيه تمسح دموعها : اكيد في غرفتهم
    محمد حاول غير الجو : اممممممممممم طيب تخرجو معايا ؟
    شوق : فين نروح ؟
    محمد : ابغى اشتري هديه لاموره او بالاصح ابغى اسويلها مفاجئه يوم الملكه
    روزه : صح متى الملكه ؟
    محمد بتنهيده : يوم فرحكم انتي وهدوو شبكتنا انا واموره
    البنات بصوت واحد : واااااااااااااااااااااااااااو
    روزه : اذن يلا امشي نروح للمحل اللي سوينا عندوو الكوشه ونتفق معاه عشان يزبطلنا شي من نفس ورود الكوشه
    محمد : اوكي يلا البسو وانا اروح لامي
    البنات : اوكي

    وبعد ربع ساعه كانو كلهم في سيارة ابوهم

    يتبع،،


    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 5:48 am


    عادل : اول شي نروح لداماس ونشتري طقم الشبكه وانت يا محمد دق على صاحب محل الكوشه ناسي اسموو وقولو اننا جايين عندوو خليه يستنانا
    محمد : اوكي
    ناديه : الشبكه ناخدها الماس ولا عاديه ؟
    عادل : طبعا الماس حنشتري 3 اطقمه للبنات كلهم وكمان لشوق ابوها
    ناديه : وشوق ايش دخلها الهديه للعرايس
    عادل : لا هادي عروسة بيت ابوها وزيها زي اخواتها وبنت عمها ولاحظ ان روزه مشغوله : ولا ايش راي روزتي ؟
    روزه وهيه تضغط على زر الارسال : اكيد طبعا وانا حختار لشوق طقمها وغمزت لهدوو
    عادل وصلتو رساله وعلى طول فتحها
    {{ بابا لا تنسى اتفاقنا }}
    عادل : ان شالله وكم روزه عندنا؟
    روزه بدلع : وووحده بس ويحقلها تدلع
    محمد : خخخخخخخخخخ ادلعي كلها شهرين ويخلص الدلع دا

    وبعدها بدقايق وصلو لمعرض داماس
    واختارو الاطقمه حقتهم وبعد ما خلصوو
    عادل : محمد خد اخواتك وامك وروحو السياره وياروز خليكي ابغاكي شويه
    ناديه : ليش ايش تبغابها ؟
    عادل : ابغاها في سر
    ناديه : اها طيب
    وراحوو
    وجلست روزه تختار في الاطقمه التانيه
    عادل : روز مو طقم بس كمان دبله
    روزه : امممممممممممممممم دبله ومحبس كمان وغمزتلو
    عادل بتمثيل : وي حتفقريني انتي
    روزه بهمس : تستاهل ندوش ولا ؟
    عادل وهو رافع حاجبو : طبعا تستاهل
    روزه : بابا ممكن طلب ؟
    عادل : ممكن
    روزه : ابغى هديه ماما تكون من مهري
    عادل : لاء ليش تكون من مهرك ؟
    روزه : عشان تكون هديه مني
    عادل : حتكون هديه منك انتي ومحمد وهدوو وانا حدفع فلوسها انتو الطقم وانا الدبل لكن مهوركم خلوها لكم
    روزه : بس
    عادل : انا حقولها انها منكم انتو ومن فلوسكم والاتفاق دا بيني وبينك انتي وهدو ومحمد ok ؟
    روزه : طيب

    وبعد ربع ساعه خرجوو وراحوو لمحل الكوش

    في المحل
    ناديه : نبغى الديزاين نفس ديزاين الكوشه يعني بنفس الورود بس في ديزاين العلب تدخل الروز الوردي الفاتح
    روزه بهمس : ماما مو الابيض احلى ؟
    ناديه : ايوه بس انتي واختك ابيض اما بنت عمك بلون مختلف
    روزه : طيب
    عادل بهمس: يا ابو ياسر انا ابغى ديزاين الاغراض اللي في دا الكيس بشكل مختلف نهائيا عن اللي اختارو الاهل
    ابو ياسر : تبغاهم مميزين ؟
    عادل : ايوه واذا تقدر بكره اجي اخدهم
    ابو ياسر : حتى اللي اختاروهم الاهل ؟
    عادل : لاء اللي اختاروهم الاهل ان شالله اذا ربي اعطانا عمر ناخدهم مع الكوشه والمسكات
    ابو ياسر : اوكي ولكم مسكه هديه من المحل انتو اخدتو اتنين مو ؟
    عادل : ايوه بس الاتنين واصل حسابهم بس عندنا عروسه تالته كمان
    ابو ياسر : ما شالله تبارك الرحمن اذن خلاص المسكه التالته هديه من عندنا بس انتو قوليلي ايش الالوان قبل الموعد بفتره
    عشان نسويها لكم
    عادل : ان شالله
    ابو ياسر : كل العلب نفس المقاس ؟
    عادل : ايوه
    الا دخل ابو احمد ومعاه اهلو
    محمد راح لعمو : هلا والله عمي

    يتبع،،


    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 5:49 am


    ابو احمد : هلا فيك ايش عندكم هنا
    محمد : جينا نأكد ع الكوشه واظنهم يبغو يزدولها اشياء
    عادل : يا ابو ياسر ودا اخويا ابو العروسه التالته خلاص اتفق معاهم ع المسكه وقولهم انها مع الكوشه
    ابو احمد : السلام عليكم
    الكل : وعليكم السلام والرحمه
    ابو احمد : ها عسى عجبكم شي ؟
    عادل : ايوه والاهل اختارو الكوشه خلي اهلك يشوفوها ولنا مسكه هديه مع الكوشه دوبو ابو ياسر بيقولي وتراها مسكت بنتك
    ابو احمد : طيب وراح لاهلو عشان يشوف ايش اختارو
    اما عادل اغتنم انشغال الكل بالكوشه والورود والاشياء هادي وورى ( خلاه يشوف ) ابو ياسر العلب
    ابو ياسر : خلاص انا اسويلكم من العلب اللي عندي
    عادل : معليش تسويها على نفس علبنا ؟
    ابو ياسر : طيب ماعندي مانع بس طبعا تاخدوو اغراضكم منها وتعطوني العلب فاضيه
    عادل : ههههههه اكيد طبعا
    ابو ياسر : اتفضل هادي علب عشان تحطو اغراضكم فيها وتعطوني علبكم

    وبعد ما اتفقو رجعو على البيت نامو لانهم حيقومو من بدري ويروحو لبيت ابو راكان


    تاني يوم في الصباح

    في بيت ابو راكان وتحديدا في غرفة نهى

    دانه : نهى قومي يلا
    نهى :.............
    دانه : نهى اذا ما قومتي حناديلك راكان يصحيكي
    نهى : يا ويلك اذا ناديتيه وبعدين ايش مقومك من بدري سيبني ابغى انااااااااااااام
    دانه وهيه تقوم تفتح الستاره : مافي نوم يا عروسه انا يوم ملكتي مانمت جلست مواصله وبعدين الساعه 9
    يادوب نصحصح دحين يجونا البنات ويادوب نرتب البيت ونتجهز
    نهى قامت وهيه معصبه وواصله معاها ودخلت الحمام ( وانتو بكرامه ) وقفلت الباب بقوه
    دانه : هههههههه الله يهديها دي البنت ما تبطل حركاتها

    في نفس الوقت في بيت ابو محمد وتحديدا في غرفة روزه

    كانو البنات نايمين كلهم مع بعض في غرفة روزه واميره جات من بيتهم وطلعت على عندهم على طول

    اميره : بناااااااااااات يلا قومو
    روزه : اصبحنا واصبح الملك لله ليش جيه مصحيتنا
    اموره : لاننا رايحين بيت عمو ابو راكان دحييييييييين يلا قومو
    وراحت فتحت الستاره ومعاها الطاقه ( الشباك )
    شوق : يوووووووووو منك اموره ازعاج ازعااااااااااج
    هدوو : اوووووووووف مسكين يا محمد
    روزه : ايوه مسكين البنت دي مزعجه بشكل
    اميره : والله ان ما قمتو اجيب جك المويه واروشكم فيه
    البنات بصوت واحد : ياويلك لو سويتها
    خرجت اميره تجري في الدرج وماحست الا وهيه تصقع ( تصدم ) في احد
    اميره : اوبس سوري ما انتــ وقطعت كلامها
    محمد بجرأه : لا حبي عادي بس انتي اتعورتي ؟
    اميره استحت : لاء بس ممكن تبعد شويه
    محمد : ليش ؟
    اميره استحت اكتر : ها لا بس ابغى انزل تحت وهيه تسمع صوت شوق : محمد الله يخليك دسني ( خبيني ) منها
    محمد باستغراب : من مين
    اميره : شوق جات ورايا مدري ايش حتسوي
    محمد بخبث : لاتعالي ورايا وهيه ماتقدر تسويلك شي
    اميره على نياتها : طيب وجات وراه
    شوق : فين الدبه اميرووه
    محمد : اولا ماهي دبه تانيه اسمها اميره تالتا ايش تبغي منها
    شوق : ابغى اضربها
    محمد رفع حاجبو : نعم اقين ما سمعت ؟

    يتبع،،


    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 5:50 am


    شوق بخوف : جات ازعجتنا وتقول تبغى تكب علينا المويه لو ماصحينا وخرجت تجري وانا جيت وراها
    اميره من ورا محمد : اتحداكي تسويلي شي ومدتلها لسانها
    شوق عصبت : والله لا اوريكي يا دبه مدسوسه ( متخبيه ) ورا محمد خليه يروح وشغلك بعدين
    اميره : هاهاها محا يروح الين انزل عند خالتي وانتي خليكي هنا
    شوق : جات تبغى تمسكها
    محمد : اموره اجررررررررررري عند امي يلا بسرعه
    وما شافووو الا غبار اميره
    اما محمد فطس من الضحك وجلس على الدرجه : ااااااه يابطني ههههههههههههه تستاهلي وبعدين خليني اشوفك تمدي يدك عليها ما يسيرلك شي طيب فاهمه
    شوق : طيب يسير خير
    وراحت تلبس

    وبعد ما اتجهزو البنات راحو مع امهاتهم لبيت ابو راكان

    في بيت ابو راكان وتحديدا في غرفة نهى

    روزه : السلام عليكم
    نهى : هلا والله بروزتي وعليكم السلام ورحمة الله وبركاته
    روزه : هلا فيكي عروستنا
    نهى بغمزه : قصدك بعرايسنا
    هدوو واميره : هههههههههههههههه عليكي واحد صفر
    وضحكو كلهم
    روزه : نهى ايش بتسوي ؟
    نهى : برتب غرفتي ودحين بدي انزل تحت عشان نرتب الصالونات
    روزه : no منتي نازله ولا شي انتي اليوم عروسه احنا نسوي كل شي والشغالات معانا كمان والتفتت للبنات يلا بنات نتوزع عشان نخلص بدري
    دانه : انا حرتب الصاله اللي هنا
    شوق : وانا معاكي
    اموره : امممممممم وانا حنزل تحت لصالون الحريم
    هدوو : وانا معاكي
    روزه : وانا حساعد نهى في غرفتها وانزلكم بعد ما اخلص
    وكانت واقفه سفانه بس ما نتبهولها
    سفانه : وانا اشرف ع السلطات وعلى رص الحلى
    البنات كلهم التفتولها
    سفانه : اشبكم خلصو شغلكم كلكم وانزلولي تحت في المطبخ عشان نرتب الصحون وحلى الضيافه
    اموره : مو بدري يا ماما ع الحلى
    سفانه : لاء مو بدري على ما تخلصو شغلكم على بعد العصر ان شالله محمد يروح يجيب الحلى والمعجنات والحلويات اللي وصينا عليها
    وانتي يا اميره حتروحي معاه لانك تعرفي الاشياء اللي وصينا عليها وتشيكي بنفسك على كل شي زي ما وصيتك وانتي يا شوق خلصي شغلك مع دانه
    وانزلولي تحت على طووووول عشان نخرج صحون التقديم ونشوف ايش ناقصنا وهدوو بعد ما تخلصي تجيني عشان اللمسات الاخيره عليكي
    اما روزه بعد ما تخلصي من غرفة نهى تجيني تحت اممممممممممم عشان تشرفي ع القهوه وبعدها تشرفي على نهى بنفسك وعاد اعرفك ما يحتاج
    نهى : وااااااااااااااااو يا خاله وزعتينا تمام ميه ميه
    سفانه : لاتقولي خاله قولي سوسو طالما مافي لا ندوش ولا امك وغمزتلهم
    نهى : ههههههههههه حاضر يا سوسو بس
    سفانه : بس ايش ؟
    نهى : دحين الفستان حلو ولا ؟
    سفانه : اكييييييييد حلو وكمان روزه اعرفها حتخترلك مكياج حلو وناعم يطلعك روعه
    نهى : فين ماما ؟
    سفانه : ماما توها راحت المستشفى لخالتك
    دانه بخوف : ماما فيها شي ؟
    سفانه قربت منها : لا حبيبتي بس راحت عشان تطمن عليها وصفقت عشان الكل ينتبه يلا يابنات كل وحده على شغلها العيال وزعتهم وراحو يسوو اشغالهم
    يلا اسرعو عشان نخلص بسرعه ونجهز حالنا كمان

    والكلام دا كان ع الساعه 10 الصباح مرت 3 ساعات الين الساعه 1 الضهر بسرعه والبنات كانو بيشتغلو بذمه وضمير ومعاهم الشغالات وكانت سفانه تشرف عليهم
    اما ناديه كانت تشرف ع الاكل حق غداهم والعشا حق الضيوف كمان وكانت ترتب الثلاجات عشان يحطو الحلويات اللي حيجيبها محمد

    ع الساعه 1:30 الضهر جات ام راكان ولقت البيت نظييييف ويلمع وريحة البخور الين اخر الحي *_*

    يتبع،،


    _________________
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الثلاثاء مايو 11, 2010 5:51 am


    ام راكان : السلام عليكم
    الكل : وعليكم السلام ورحمة الله وبركاته
    ام راكان : الله يعطيكم العافيه تعبناكم معانا
    ام احمد : الله يعافيكي وبعدين لاتقولي كدا احنا اخوات
    ام راكان : تسلموو كلكم ووجهكم خيييييييير عليا
    ام محمد : الخير بوجهك يامريم
    مريم (ام راكان ) والعبره خانقتها : اليوم اختي منال ( ام دانه ) فاقت من الغيبوبه وخالد الله يحميه كان موجود وسئلها كم سؤال
    دانه : خاله كيف حال ماما وابغى اروح اشوفها عادي يسمحولي
    مريم : الحمدالله ماماتك بخير واكيد طبعا تقدري تشوفيها ان شالله بعد مايخرجو الضيوف راكان يوديكي تشوفيها
    دانه والدموع تتجمع في عيونها : يعني ماما لحالها دحين ؟
    مريم : لا ياقلبي مو لحالها ماجد عندها
    الكل : مــــــــــــــــاجد !!!!!

    مريم : اشبكم ايوه ماجد وصل اليوم الفجر وراح المستشفى لخالتو والحمدالله صحيت على قدومو وهو دحين جالس عندها
    وان شالله بعد العصر يجي

    ام محمد : ما شالله تبارك الله قرت عينك يا ام راكان بجيتوو وحمدالله على سلامتو
    الكل : الحمد الله على سلامتو

    ام راكان : الله يسلمك ويبلغكم ويتمم عليكم فرحتكم قادر يا كريم
    الكل : اللهم امين
    سفانه : بناااااااااااااات اشوفكم استحليتو القعده يلا خلونا نكمل شغلنا عشان تلحقو تروحو تجيبو الحلى وتتجهزو
    البنات بصوت واحد : ok وراحو كل وحده على شغلها

    على صلاة المغرب كان كل شي جاهز
    روزه : يلا بنات نروح نلبس ؟
    دانه : ok بس فين نهى ؟
    مريم : نهى هناك عند اخوها
    دانه بتفهم : اهااا اجل يلا بنات نروح نلبس عشان نخلص ونشوف نهى ايش تحتاج
    الكل : ok

    وبعد ما طلعو البنات
    ماجد : احم احم يــــاولد
    ام راكان : مافي احد ادخل
    ماجد دخل وهو يسلم : السلام عليكم يا احلى ام في الدنيا
    ام راكان : وعليكم السلام ورحمة الله وبركاته هلا حبيبي كيف حال خالتك دحين؟
    ماجد عقد حواجبو : بخير الحمدالله السكر والضغط رجعو لمستواهم الطبيعي بس
    ام راكان : بس ايش ؟
    ماجد : في احد في الصالون او في غرفتك ؟
    ام راكان : ليش ؟
    ماجد : ابغى اكلمك في موضوع وما ابغى احد يسمعنا
    ام راكان : لا في الصالون ام محمد وام احمد الله يجزاهم خير بيشوفو الترتيبات تعال غرفتي ولا اقولك لاء فوق البنات
    تعال هنا مكتب ابوك
    ماجد : ok
    وراحو المكتب

    وبعد ربع ساعه خرجت ام راكان من المكتب عشان تشوف الطريق لماجد

    ام احمد : مريم خلاص كل شي جاهز بس انتي ليه ما لبستي ؟
    ام راكان بصوت مبحوح : لا بس كنت في المكتب مع ماجد
    ام محمد : مريم اشبو صوتك ؟
    ام راكان : لا بس اليوم ملكة بنتي الوحيده ومن سنين ما شفت ماجد وكمان محا يطول عندنا اسبوعين ويسافر تاني
    ام احمد : اها الله يتتم لبناتنا على خير وماجد ان شالله يروح ويرجع بالسلامه
    الكل : اللهم امين
    ام راكان : يووو نسيت ماجد في المكتب يبغى يمر
    ام احمد وام محمد : طيب احنا راجعين للصالون
    ام راكان : طيب وبعد ما راحو الصالون قالت : ماجد يلا مافي احد
    ماجد : طيب تبغي شي يا امي ؟
    ام راكان بهمس : الكلام اللي قلتلي هو ما ابغى احد يدري عنو وزكن ( بلغ ) على خالد مايقول لاحد الين بكره ع الاقل
    ماجد وهو يأشر على عيونو : من عيوني يالغاليه وسلم على راسها وراح لـ ابوه في الحوش

    بكدا انتهى الجزء
    ياترا ايش الكلام اللي قالو ماجد لامو ؟
    وايش حيسير بعد كدا ؟
    توقعـــــاتكم
    تابعونا
    تحيه عذبه





    _________________

    خجـل الورد
    .•°ღ¤{®روζح جديد®}¤ღ°•.
    .•°ღ¤{®روζح جديد®}¤ღ°•.

    عدد الرسائل : 16
    المزاج :
    الدوله :
    تاريخ التسجيل : 28/05/2009

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف خجـل الورد في الثلاثاء مايو 11, 2010 6:32 am

    وااااااااااااااو قصه اكتر من روعه
    انا من المتابعين بصمت
    ونستنى منك بارت احلى واحلى
    avatar
    روح الشوق
    ~•ღ°¤[ الإدارة ]¤°ღ•~
    ~•ღ°¤[ الإدارة ]¤°ღ•~

    عدد الرسائل : 476
    المزاج :
    تاريخ التسجيل : 04/10/2008

    رد: غريبهـ قصة الدمـ ع ــه تريح هم باكيها قصتي وحصريه لكم *_*

    مُساهمة من طرف روح الشوق في الأربعاء مايو 12, 2010 6:21 am

    تسلمي يا عسل
    مرورك الاحلى يا قلبي
    واستناكي بعد كل بارت
    لا تحرميني من تواجدك


    _________________

      الوقت/التاريخ الآن هو السبت يناير 19, 2019 3:03 am